Natao omaly, tetsy amin’ny FDL Anosy, ny fivorian’ny Komity mpitantana (COPIL) ho an’ny tetikasa ProDécid. Voatsiahy tamin’izany fa nisongadina tao anatin’ny dingana voalohany sy faharoa ny fandraisan’anjaran’ireo kaominina, mpiara-miombon’ antoka amin’ny fampandrosoana ifotony mifototra amin’ ny ady amin’ny fahantrana. Na izany aza, voalaza fa mbola miatrika fanamby ara-bola goavana izy ireo.
Hifantoka amin’ny laharam-pahamehana manaraka kosa ny tetikasa amin’ny dingana fahatelo. Anisan’izany ny fitantanana ara-bola eo anivon’ny kaominina, ny fampandrosoana an-tanàn-dehibe tsy manavaka, ny fandraisan’ anjaran’ny olom-pirenena. Eo koa ny fanohanana ny fiarahamonim-pirenena ary koa ny fizarana sy fanitarana ireo fampiharana ny fahazarana tsara mitondra fahombiazana.
Manohy ny ezaka hatrany ny eo anivon’ny MFFT amin’ ny fanohanana ireo kaominina ho amin’ny fanatanterahana ny andraikiny. Manamafy koa ny fitantanana mangarahara sy mahomby ho an’ny fampandrosoana lovainjafy.
Tsiahivina fa mpanohana ny tetikasa ny GIZ ary miahy izany kosa ny eo anivon’ny minisiteran’ny Fitsinjaram-pahefana sy fanajariana ny tany (MFFT). Ny avy amin’ny minisiteran’ny Toekarena sy ny fitantanam-bola ary ny minisiteran’ny Atitany. Teo koa ireo ekipan’ny GIZ.
Synèse R.
French