4 taona ny nijoroan’ny SMA misahana ny fanadiovana an’Antananarivo amin’ny maha satana orinasa tsy miankina azy. Nomena mari-pankasitrahana ireo mpiasa 141 nahavita be tamin’ny asany. Ny 117 tamin’ ireo dia notolorana ny medaly volafotsy ary ny 24 nahazo alimo.
Nofanina ireo mpitatitra amin’ny Cyclo-pousse ao an-tampon-tanànan’i Toamasina. Manodidina ny 300 ireo Tuc tuc ary 200 ireo Cyclo-pousse efa nisoratra anarana ary naneho fahavononana amin’izany. Hatramin’ny faha-15 ny volana avrily ny fara fisoratana anarana. Hanampy traikefa sy hirindran’ny fifamoivoizana no tanjona.
Andro maneran-tany ho an’ny « Autisme », fotoana natokana hamafisana ny fahatakarana sy fanohanana ireo olona hafakely, omaly. Fotoana iray hanasongadinana ny andraikitra sy fandraisan’anjara ataon’ ny minisiteran’ny Fampianarana teknika sy ny fanofanana arakasa amin’ny fampidirina sy fampivoarana azy ireo amin’ny sehatry ny fampianarana teknika. Ny fanabeazana sy ny fiofanana ho an’ny rehetra dia fototra fampiatiana sy fanomezana fahafahana mitovy ka hiara-kijoro hanohana sy hampiaty ny olona autiste satria ny fahasamihafana dia hery.
Efa namoaka ny “annuaire” mirakitra ny sekoly rehetra mampiaty ny fikambanana Autisme Madagascar ho an’ny ray aman-dreny manan-janaka hafakely. Havaozina isan-taona izy ity ary zaraina rehefa hiditra amin’ny fialantsasatra. Efa misy ny sekolim-panjakana mampiaty ary mandray ny mpianatra hafakely sy ny ankizy tsotra anatin’ny kilasy iray.
French