Notontosaina afakomaly, tao amin’ny Akademia miaramila (Acmil) Antsirabe, ny lanonana famaranana ny fankalazana ny faha-40 taonan’ny nivoahan’ny andiany faha-13 “La13”, sady andiany nivoahan’ny Jly Ravalomanana Richard. Nisy ny tafa sy nampitany ny traikefa amin’ireo mpianatra ho manamboninahitra ao amin’ny Acmil tamin’ izany. Teo koa ny fifanakalozan-kevitra tamin’ireo andiany niaraka taminy ka nampahatsiahivany ny adidy miandry ny manamboninahitra rehefa eny an-kianja.
Nialohavan’ny fotoam-pivavahana iraisam-pinoana izany ary nitohy tamin’ny fambolen-kazo fihinam-boa, miisa 180 fototra, niarahana amin’ny Tozzi Green sy ireo mpandraharaha ao an-toerana. Notokanana koa ny “Mozea La13” sady toerana hampirantiana ireo sary mirakitra ny tantaran’ny andiany. Nankasitrahan’ ireo mpampianatra sy mpianatra ao amin’ny Acmil izany vakoka sy ny tantara voatahiry ao izany.
Etsy andaniny, nanolotra vola 2 000 000 Ar ho fandraisana anjara amin’ny famitana ny tamboho manodidina ny tobin’ny Acmil koa ireto andiany “La13” ireto.
Tsiahivina fa nisokatra ny avrily 2024 ny fankalazana ny faha-40 taona nivoahan’ny “La13”.
Synèse R.
French