Hotontosaina any Vatomandry, ny 18 hatramin’ ny 21 avrily ho avy izao, ny hetsika « Dola Beach », izay karakarain’ny orinasa Yas Madagasikara. Hisy ny fifaninanana ara-panatanjahantena maro any an-toerana. Ao anatin’izany ny rugby beach, ny beach soccer, ny taranja tolona.
Hotanterahina ny 15 hatramin’ny 20 avrily ho avy izao, any Espagne, ny fifaninanana iraisam-pirenena amin’ny taranja baolina kitra sokajy zandriny, « MIC Football Tournament ». Hisolo tena an’i Madagasikara amin’izany ny sekoly baolina kitra, NetFoot. Araka ny vaovao voaray, hanainga ny 11 avrily ho avy izao ireto Malagasy mpilalao ireto.
Araka ny fikarohana natao omaly, tsy afaka ny hiakatra eny an-kianja mandritra ny fifaninanana any Etazonia MLS, intsony ilay mpiambina manokana an’i Lionnel Messi, arzantina mpilalao baolina kitra, i Yassine Cheuko. Tsy nanda ity sazy ity moa ny tenany saingy nalahelo ihany tamin’ny fanapahan-kevitra noraisin’ny tomponandraikitra any an-toerana.
Tafita hiatrika ny lalao famaranan’ny fiadiana ny amboaran’i Espagne indray ny ekipan’ny Real Madrid FC. Nahintsan’izy ireo teo amin’ny fifanandrinana miverina ny Real Sociedad, afakomaly alina, tao amin’ny kianja Santiago Bernabeu. Iray amin’ny Atletico Madrid sy FC Barcelone moa no hifandona amin’izy ireo eo amin’ ny dingana farany.
French