Mihabevoho hatrany. Nanolotra boky miisa 300 ho an’ny Tranomboky monisipalin’Antananarivo, etsy Analakely, ny masoivohon’i Japon, omaly. Boky amin’ny teny frantsay miisa 300, izay miresaka momba ny tantaran’i Japon, ny kolontsaina, tantara an-tsary, boky fianarana, sns ireo. « Mety ireto boky ireto no hahafantaran’ny Malagasy voalohany an’i Japon. Mety handrisika azy ireo hamantatra bebe kokoa, ka ho avy any an-toerana mihitsy izany», hoy ny nambaran’i Abe Koji, masoivohon’i Japon miasa eto Madagasikara.
Tonga nandray ny masoivoho sy nisaotra azy ireo noho izao fanomezana izao ny ben’ny Tanànan’Antananarivo, Ramanantsoa Harilala. Tsy sambany mantsy izao fiaraha-miasa izao, indrindra ny fanohanana ity tranomboky monisipaly ity avy amin’ny japoney. Izy ireo no nanome ny tetibola nanavaozana izany ny taona 2022. Mbola tonga nitsidika ny toerana koa ny minisitra japoney tamin’ny fandalovany, ka nampanantena ny hanome boky. Mbola hisy ny tohiny, raha ny fampanantenana hatrany.
Zo ny Aina
French