Ho afaka manodina fako 60 taonina isan’andro ny ivontoerana iray any Toamasina, izay havadika ho lasa akora hafa azo ampiasaina indray. Ho vita amin’ity taona 2025 ity ny asa fananganana ny fotodrafitrasa. Hisy iray faharoa koa an-dalam-pametrahana eto Antananarivo.
Haharitra tapa-bolana ny fitsirihana faharoa ny findramam-bola nohamoraina (Fec) sy ny famatsiam-bola nohamoraina hiatrehina maharitra ny fiovaovan’ny toetr’andro (FRD). Mitarika ny delegasioninaa ny iraky ny FMI ho an’i Madagasikara mandritra ny fihaonany amin’ireo solontenan’ny mpikamban’ny governemanta.
Miisa 20 ny tantsaha nofanina mahakasika ny teknika fambolem-bary, ny 28 marsa teo. Ho lasa mpampiofana indray izy ireo, avy any amin’ny distrika Antsirabe I sy II ary Betafo. Nohamafisina ny fahaiza-manaon’izy ireo, ary nozarana masomboly hampiharana ny teknika vaovao. Haparitaka any amin’ny tantsaha indray avy eo ny fahalalana azon’izy ireo.
Vonona hanome tantsoroka amin’ny fanondranana dipoavatra mena (baie rose) any ivelany ny minisiteran’ny Fampiroboroboana ny indostria sy ny varotra. Miroborobo ny filana eto an-toerana sy any ivelany saingy tsy maharaka ny tolotra. Mila mampitombo vokatra ireo tantsaha hamalina ny tsenam-barotra.
French