TSELATRA

Mpianatry ny CEG voan’ny Ambalavelona tany Andilanatoby, distrikan’Ambatondrazaka, omaly tamin’ny 02 ora sy 10 minitra. Tovovavy no tena lasibatra. Zazavavy iray tao amin’ny kilasy faha-7 no niandohany ary nihetsika avokoa ny tao amin’ny kilasy faha-8 avy eo. Rava noho izany ny fanadinana natrehin’izy ireo.
Lehilahy miisa roa no voasambotry ny Polisy avy ao amin’ny komisaria boriboritany fahatelo, etsy Antaninandro, afakomaly, teny Behoririka rehefa avy nangalatra tamina toeram-pivarotana iray. Polisy nanao fisafoana tamin’ilay toerana no nisambotra avy hatrany ireto olon-dratsy ireto rehefa nahita ny asa ratsy nataony. Mbola tratra teny amin’izy ireo ny zavatra avy nangalariny. Noentina avy hatrany teny amin’ny biraon’ny Polisy izy roa lahy nanaovana fanadihadiana.