Natao sonia omaly, teto Antananarivo, ny fiaraha-miasan’ny minisiteran’ny Raharaham-bahiny (MAE) sy ny vondrona Axian, amin’ny alalan’ny orinasa Yas Madagasikara sy ny Jovena. Voafaritra ao anatin’ny fifanarahana ny fanohanana ara-pitaovana sy ara-teknika, mba hizotra araka ny tokony ho izy ny Fivoriambe an-tampon’ny ranomasimbe Indianina (COI) andiany fahadimy, eto Antananarivo. Ao anatin’izany ny hametrahan’ ny orinasa Yas Madagasikara ny fifandraisan-davitra, tambajotra Wi-Fi, ao amin’ny foibem-pibaikoana etsy amin’ny Kianja Barea Mahamasina. Hapetraka ny tambajotra tena matanjaka, hiantohana ny fifandraisan-davitra tsy tapaka mandritra ny fivoriambe rehetra. Miisa 150 ny mpiasa hiandraikitra ny fampandehanan-draharaha rehetra.
Manampy ireo, hiantoka ny famatsiana solika gazoala 5 000 litatra ny orinasa Jovena, hampandehanana ireo fotodrafitrasa samihafa. Tafiditra ao anatin’ny fiaraha-miombon’ antoky ny fanjakana sy ny tsy miankina ity fiaraha-miasa ity. Hanehoana ny fahombiazan’ ny fikarakarana hetsika iraisam-pirenena avo lenta eto Madagasikara.
Tsy mitsahatra manohana ny fanjakana malagasy entina hampandrosoana ny aty amin’ ny faritry ny ranomasimbe Indianina ny vondrona Axian. Ao anatin’izany ny fampiroboroboana ny tolotra samihafa amin’ ny lafiny fifandraisan-davitra.
Njaka A.
French