Nanolotra fitaovam-pianarana sy entina midio ho an’ireo ankizy tsy ampy taona ao amin’ny fonjaben’Antanimora sy Anjanamasina ny solontena avy amin’ny “Humanité et inclusion” amin’ny alalan’ny tetikasa Mafonja. Nahitana kahie, stylos, taratasy, pensilihazo, sns… kifafa, eau de Javel, vovon-tsavony, sns..
Ao anatin’ny C4C na fanabeazana amin’ny fiovam-pihetsika dia misy ireo lalao manaitra ny fahatsapan’ny ankizy hatramin’ny fahazazany ireo anjara andraikiny ho fikajiana ny tontolo iainana. Lalao
azon’ny ankohonana na koa ny mpiray fivondronana iarahana mankafy. Sady miala voly no mandray lesona.
Homarihina ny alatsinainy 7 avrily izao ny Andron’ny fahasalamana, hankalazaina miaraka amin’ny minisiteran’ny Fahasalamam-bahoaka. Hatao any Ambohimangakely, ao amin’ny kianjan’ny CEG, ny fanamarihana ofisialy. Karazana tolotra ara-pahasalamana maimaimpoana marobe no azo sitrahina mandritra io fotoana io.
Nanolotra boky miisa 300 ho an’ny Tranomboky Monisipaly Analakely ny firenena japoney, amin’ ny alalan’ny masoivohony miasa eto Madagasikara. Boky mirakitra ny tantara sy ny kolontsaina japoney izay nadika tamin’ny teny frantsay. Zava-dehibe ny vaky boky ahafahana manovo fahalalana sy manampy amin’ny fanabeazana.
French