Notanterahina omaly ny fihaonana isam-bolana eo amin’ny mpanao gazety sy ny fiadidiana ny faritra Vakinankaratra. Anisan’ny nitondra fanazavana ny talem-paritry ny Asa vaventy, Raselison Arséne. “Miroso ny asa fikojakojana ny lalam-pirenena fahafito (RN7)”, hoy izy. Eo koa ny fanamboarana ny lalana eo Antsirabe sy ny ao Ambatolampy. Nohazavainy ireo lalana an-dalam-panamboarana sy ireo simba ka mila fanamboarana.
Ho an’ny talem-paritry ny fahasalamana, ny Dr Rakotomahazo Robinson Désiré, nambarany ireo trangan’aretina miparitaka sy ny vahaolana naroson’izy ireo ho amin’izany. Ny pesta,VIH Sida, ny gripa. Eo koa ny fanatsarana ny fotodrafitrasa sy ny fomba fandraisana marary.
Nohamafisin’ny governora, Vyvato Rakotovao, fa zava-dehibe ny fomba fiasa manamafy ny fiaraha-miasan’ny fitondram-panjakana sy ireo mpanao gazety.
Synèse R.
French