Nandray ny solontena mpanatanteraky ny Fandaharanasa maneran-tany momba ny sakafo (Pam), Tania Goossens, ny minisitry ny Fitsinjaram-pahefana sy ny fanajariana ny tany (MFFT), Andriantsitohaina Naina, omaly. Notanterahina tetsy Anosy ny fihaonana ka nivoitra tamin’izany ny fandinihana ny fandrosoan’ireo tetikasa iombonana. Anisan’izany ny eo amin’ny fanamafisana ny fahaiza-manaon’ny eny anivon’ny vondrom-bahoaka itsinjaram-pahefana eny ifotony. Eo koa ny fiahiana ara-tsakafo ary ny fanoherana sy ny fametrahana paikady manoloana izao fiovaovan’ny toetr’andro izao. Nambaran’ny minisitra nandritra ny fihaonana fa manamarika dingana iray manan-danja amin’ny fiaraha-miasa eo amin’ny Pam sy ny minisitera ny fifanakalozan-kevitra tahaka izao. Tafiditra ihany koa ao anatin’ny fanatanterahana ny tanjona iombonana amin’ny alalan’ny fanorenana faritra mahaleo tena sy mirindra kokoa. Mamaly hatrany ny filàn’ny mponina rahateo koa izany.
Synèse R.
French