Hofantatra ny alatsinainy 12 mey ho avy izao ny anaran’ny mpilalao baolina kitra handrombaka ny amboara «Prix Marc Vivien Foe 2025». 12 mirahalahy ireo hiady ho lohany amin’izany. Tsiahivina fa ireo mpilalao mandray anjara amin’ny fifaninanam-pirenena frantsay (Ligue 1) ihany no hany afaka mandray anjara amin’izany. Fifaninanana karakarain’ny France 24 sy ny Radio france internationale (RFI).
Anisan’ireo hifaninanana amin’izany ilay alzerianina, i Himad Abdelli, milalao ao Angers. Eo koa i Eliesse Ben Seghir, teratany maraokanina ao amin’ny Monaco. Manana solontena amin’ity koa i Senegal, amin’ny alalan’i Lamine Camara, ao amin’ny Monaco. Hiaraka aminy i Habib Diarra, mpiray tanindrazana aminy, kapitenin’ny Strasbourg. Hifampitana amin’izy mirahalahy ireo i Yahia Fofana, ivoarianina mpiandry tsatobin’ny Angers. Miampy an’i Evann Guessand, ivoarianina ihany koa, lohalaharan’ny OGC Nice. Lohalaharana hiady ny amboara koa ilay alzerianina, i Amine Gouiri, ao amin’ny OM raha tsy hitanisa afa tsy ireo.
Tompondaka
French