« Efa sy sasany ». Midika izay fa anatin’ny fanamarihana ny 30 taona an-tsehatra amin’ity i Samöela. Mifanandrify amin’ny “Zara Revy” andiany fahefatra, izay hotontosaina rahampitso, etsy amin’ny Kianja Malacam izany. Tsy nanadino ireo zoky nitari-dalana azy tao anatin’izay anjoria izay, ka nanasa an’i Tselonina sy Ifanihy, i Samöela. Izy roa lahy ireto no hanokatra ny fampisehoana, manomboka amin’ny 10 ora maraina. Mazava loatra fa hanjaka ny vazo miteny sy ny vokatry ny tany mandritra izay.
Amin’ny 3 ora tolakandro no hiakatra ny sehatra lehibe i Samöela sy ny tariny. Hotetezina an-kira izay vanim-potoana izay, manomboka any amin’ny rakikira “Mampirevy” ka handalo ireo rakikira 10 hafa. Rehefa “Zara Revy” toa izao no betsaka indrindra ny hira alahatr’i Samöela sy ny tariny. Mahatratra any amin’ny ora 5 any mihitsy mantsy ny seho, mandritra izany. Na izany aza, mbola sahirana amin’ny fandaharana ny hira izy ireo, satria tsy ho vita avokoa izay nivoaka nandritra izay 30 taona izay.
Zo ny Aina
French