Zokiolona: Mivoaka ny tetiandro fizarana fisotroan-dronono

Mivoaka ny tetiandro fa­kana ny fisotroan-dronono ho an’ireo zokiolona eto Anala­manga, amin’ity volana avrily ity, eny amin’ny tahirimbolam-panjakana.
Ho an’ny eny anivon’ireo Perceptions principales (PP), Trésorerie principale (TP), Trésorerie principale inter-communale (TPIC), efa voarindra ireo laharana maka izany. Anjaran’ny laharana miafara amin’ny 0 – 1 – 2 no maka ny azy ny alakamisy 10 avrily. Ny miafara amin’ny 3 – 4 – 5 kosa no mahazo ny anjarany ny zoma 11 avrily.
Miato izany ny faran’ny herinandro ary mitohy kosa ny alatsinainy 14 avrily ka ny laharana miafara amin’ny 6 – 7 – 8 – 9 no mandray.
Ny miafara amin’ny A-B-C-D-E kosa ny talata 15 avrily. Manomboka ny alarobia 16 avrily kosa no mandray ireo izay mitondra fanomezan-dalana manokana “procuration” sy ireo taraiky tamin’ny tetiandro efa napetraka.
Ho an’ny eny amin’ny PGA (Paierie générale d’Antanana­rivo) sy ny RGA ( Recette gé­nérale d’Antananarivo), eny Antaninarenina, ny miafara amin’ny 0 – 1 – 2 – 3 – 4 – 5 no mandray ny volany ny alakamisy 10 avrily. Ny laharana miafara amin’ny 6 – 7 – 8 – 9 – A – B kosa ny zoma 11 avrily ary ny miafara amin’ny C – D -E no maka ny azy ny alatsinainy 14 avrily.
Misokatra ho an’izay ta­raiky sy ireo mitondra fahazoan-dalana manokana kosa manomboka ny talata 15 avrily.

Tatiana A