Vaky ny fantson-drano iray manana habe 60 sm eny Mandroseza I, nahatonga ny fahatapahan-drano tamin’ny toerana maro teto an-dRenivohitra, nanomboka omaly maraina. Maharitra adiny 8 ora ny asa fanamboarana. Anisan’ny voakasiky ny tsy fisian’ny rano ny eny Ambohijatovo, Faravohitra, Ambatonakanga, Antaninarenina,…, Antaninandro, Behoririka, …, Manjakaray, Amboditsiry, Tsiadana, Mahamasina, Fort Voyron, sns.
Mahatratra 18 000 ha ny velaran-tany harenina amin’ity taom-pambolena 2025 ity, raha 33 500 ha ny tanjon’ny Fandaharanasa PLAE IV. Miisa 20 000 ny tokantrano hisitraka ny asa. Nahatratra 22 300 ha ny velaran-tany voajary tao anatin’ ny 3 taona (2022-2025) tamin’ny alalan’ny fambolen-kazo nataon’ny olon-tsotra, voly hazo kaominaly, ala fiarovana, ala vadimboly ary toeram-piraofan’ny biby fiompy nohatsaraina.
Hanomboka amin’ny 9 mey 2025 ny fikolokoloana sy fanaraha-maso ny hazo novolena tamin’ity taona ity. Ao anatin’izany ny fanoloana ireo hazo maty na tsy naniry. Ny fanadiovana ny fototry ny hazo. Ny fanadiovana ny toeram-pambolen-kazo mba tsy ho mora ho azon’ny afo. Eo koa ny fanisana ny zanankazo maty sy velona, ka taterina any amin’ ny Fitantanam-paritry ny Tontolo iainana sy ny fampandrosoana maharitra (Dredd).
French