Nohamafisina ny fiaraha-miasa eo amin’i Madagasikara sy ny Agence japonaise de coopération internationale (Jica) amin’ny fampandrosoana ny sehatry ny Fampianarana teknika sy ny fanofanana arakasa. Notanterahina nandritra ny hefarana, tamin’ity herinandro ity, ny dinik’asa sy fitsidihana ara-teknika niarahana tamin’ ny delegasiona avy amin’ny Jica sy ireo manam-pahaizana avy any Sénégal.
Nandritra izany, nisy ny fifanakalozan-kevitra sy dinika natao tamin’ireo tomponandraikitra eo anivon’ny minisitera METFP izay nifantoka manokana tamin’ny fanavaozana sy fanatsarana ny fandaharam-pampiofanana mifototra amin’ny filan’ny tsenan’ny asa. Eo koa ny fampiroboroboana ny fiaraha-miasa amin’ ny sehatra tsy miankina, ny fanamafisana ny rafitra ara-panjakana mifehy ny fanofanana arakasa ary ny fanofanana mitohy ho an’ireo mpampianatra eny anivon’ny Lycée teknika.
Ankoatra izany, nitsidika ny LTP Alarobia sy Ampasampito, tafiditra amin’ny Lycée teknika hahazo ny fampitaovana avy amin’ny japoney, ny delegasionina. Tanjona ny hijerena ny zava-misy eny an-toerana sy hanombanana ny filana marina amin’ireo sekoly ireo. Nitohy tamin’ny fifanakalozan-kevitra niarahana tamin’ ny talem-paritry ny Fampianarana teknika sy ny fanofanana arakasa Analamanga sy ireo tomponandraikitra eo anivon’ ireo Lycée roa ireo ny fotoana.
Vonjy
French