Nampahafantarin’ny minisiteran’ny Asa sy ny asam-panjakana ary ny fampanananasa ny fehezan-dalàna mifehy ny asa, laharana 2024-014, andininy faha-358, miresaka ny amin’ny herisetra sy fanararaotana eo amin’ny tontolon’ny asa.
Voalazan’izany lalàna izany fa na iza na iza ao amin’ny toeram-piasana ka meloka noho ny fanararaotana ara-tsaina dia sazina an-tranomaizina 3 volana farafahakeliny ka hatramin’ny herintaona. Sazy mihatra izany.
Mandoa lamandy 1 000 000 Ar farafahakeliny ny voampanga ary tafakatra hatrany amin’ny 4 000 000 Ar izany farafahabetsany.
Miseho eny anivon’ny orinasa, eo amin’ny mpiasa sy ny mpampiasa, na ny samy mpiasa, ny fanararaotana ara-tsaina, ara-batana…Matetika tsy sahy mijoro ny lasibatra noho ny tahotra sy ny fandrahonana ataon’ny mpanararaotra.
Tsy ny fanararaotana ara-tsaina ihany fa na ny fanararaotana ara-nofo koa dia mateti-pitranga ary tena mampitaraina, ny vehivavy indrindra indrindra. Fandrahonana, fandroahana amin’ny asa no setriny raha mitoroka ilay iharan’ny fanararaotana.
Toetra tena mamohehitra miseho eny amin’ny toeram-piasana izany ary ilana fahasahiana ny mitoroka, hamaizana ireo za-dratsy amin’izany toetra izany.
Tatiana A
French