Natao tetsy amin’ny Orange Digital Center Madagascar, Gara Soarano, nandritra ny roa andro, ny 16 sy 17 novambtra teo, ny « Village Engage for Change » andiany faharoa. Hetsika nokarakarain’ny Orange Madagascar. Nisongadina ireo tetikasam-pampandrosoana samihafa ataon’ny Orange sy ireo mpiara-miombon’antoka aminy ho an’ny fiarahamonina sy ny toekarena ary ny tontolo iainana. Tranoheva manodidina ny 60 ireo mampahafantatra ny hetsika ataony ho fanohanana ny tontolon’ny fahasalamana, ny fanabeazana, ny kolontsaina, ny fandraharahana. Ao anatin’izay ny fahaleovantenan’ny vehivavy, ny fanohanana ny tanora ary ny ady amin’ny kolikoly. « Natao hanehoana ireo tohana ataon’ny Orange Madagascar eny amin’ny fiarahamonina ny Village Engage for Change. Ankehitriny, hiaraha-manatanteraka amin’ireo mpiara-miombon’antoka ny faniriana rehetra », hoy ny tale jeneralin’ny Orange Madagascar, Aminata Ndiaye Niang.
Vita sonia nandritra ny hetsika ihany koa ny fifanaraham-piaraha-miasa eo amin’ny Orange Solidarité Madagascar sy ny minisiteran’ny Fampianarana teknika sy ny fanofana arakasa. Mémorandum d’entente (MOU) hanohanana ny fiofanana arakasa sy hanamafisana ny fahaiza-manao ireo asa teknika sy niomerika ho an’ny tanora sy ny vehivavy.
Henintsoa
French