Fahadisoam-panantenana ho an’ny mpanao gazety maro an’isa ny tao Toamasina. Nihevitra izy ireo fa ho toy ny teo aloha rehetra ny ataon’ny minisitry ny Serasera sy ny kolontsaina, Ogascar Fenosoa, nandritra ny fitsidihany voalohany ny faritra Atsinanana, ny 23 sy 24 desambra lasa teo. Nitokana fotodrafitrasa maroloko tao amin’ny Kianja Vavitiana ny delegasionina notarihiny. Efa fomba fanaon’ny minisitra misahana an’io minisitera io hatramin’
izay rehefa manao fitsidiham-paritra voalohany ao Toamasina ny fanaovana ny fihaonana sy dinidinika ary fifanankalozan-kevitra eo amin’ny minisitra mpiahy sy vondron’ny mpanao gazety tsy ankanavaka miankina sy tsy miankina. Taorian’ny fahatongavany tao amin’ny seranam-piaramanidina Ambalamanasy nefa, nanao fitsidihana avy hatrany tao amin’ny kardinaly Tsarahazana Desiré, tao amin’ny birao fiasany, Katedraly Md Joseph Ampasimazava, ny minisitra. Nitohy tamin’ny fihaonana tamin’ny mpiasan’ny haino aman-jerim-panjakana tao Salazamay izany. Tsy nisy ihany koa ny fitsidihana ara-pomba ofisialy ireo solontenam-panjakana tao an-toerana. Ny alarobia fitokanana ireo fotodrafitrasa, ary taorian’ izay, nitodi-doha niverina an-dRenivohitra ny minisitra sy ny delegasionina notarihiny.
Sajo
French