Nanao atrikasa fanavaozana ny fandaharam-piofanana ho an’ireo mpisehatra “CREC”, ny minisiteran’ny Fahasalamam-bahoaka. Notanterahina teto Antananarivo, nanomboka ny 04 hatramin’ny 06 marsa 2026 lasa teo izany. Atrikasa hanamafisana ny fahaiza-manaon’ireo mpisehatra rehetra manoloana ny fiatrehana valanaretina sy areti-mifindra lehibe misy eto amin’ny Nosy. Tafiditra ao anatin’izany ny fampidirana mazava ny fomba fiasa mifototra amin’ny fiarahamonina, ny fijerena ny lafiny maha lahy sy maha vavy ary ny fanajana ny zon’olombelona. Nohatsaraina ny votoatin’ny fandaharam-piofanana mba hifanaraka amin’ny zava-misy ara-pahasalamana misy amin’izao fotoana izao. Tanjona ny hananana fandaharam-piofanana maoderina, mirindra ary mandray anjara mavitrika amin’ny fanamafisana ny rafitra fiomanana sy famaliana ny hamehana ara-pahasalamana. Nohamafisina nandritra izany koa ny fiaraha-miasa sy ny fandrindran’asa eo amin’ ireo samy mpisehatra. Tafiditra ao anatin’ny fandaharanasa
« Pandemic Fund », izay vatsian’ny OMS vola ity atrikasa ity.
Mino
French