Notanterahina teny amin’ny Kianja CAI Ambodin’Isotry, ny sabotsy lasa teo, ny andiany voalohany amin’ny “Media Cup”. Fifaninanana, nokarakarain’ny Union des journalistes sportifs (UJSM). Nisantarana izany ny tsipy kanetibe ho an’olon-droa miaraka. Fahombiazana tamin’ny lafiny rehetra ny hetsika, araka ny nambaran-dRabenaivo Alain Paul, filohany. “Na vao santatra aza, nahatratra 21 ny isan’ny ekipa nandray anjara”, hoy izy. Tsy nampitsanga-menatra ny fikarakarana fa matihanina ary ny loka natolotra nahafa-po ny mpandresy. Maro no nangataka ny hisian’ny fifaninanana matetika satria sady manao fanatanjahantena no miala voly ireo mpiasa ao anatin’ny serasera. Matoa tontosa iny “Media Cup” voalohany iny, nisy ireo. Anisan’izany ny Orange Madagascar sy Andriamampiadana Mahefa, minisitry ny Paositra sy ny fifandraisan-davitra teo aloha sady efa tompondaka maneran-tany. Teo koa Rakotoarisoa Johnny, solombavambahoaka an’Ambohidratrimo sady komity mpanatanteraka ao amin’ny Federasionina malagasin’ny baolina kitra (FMF). Raha ny vokatra, nandrombaka ny voalohany, i Nary sy i Tita avy amin’ny TVM. Nahazo ny medaly volafotsy, i Rado Harivelo sy i Ferdinand, avy amin’ny La voix citoyenne ary laharana fahatelo, i Benjamina sy i Mamy, mpanao gazetin’ny 24H Mada sy RNM.
Tompondaka
French