Nandositra ny fiara sprinter nandona ka nahafaty mpitondra moto iray teny amin’ny digue mampitohy an’Ampitatafika sy Fenoarivo, omaly. Nitondra mpandeha avy any Fenoarivo ny taksibe iray, araka ny fampitam-baovao. Nipitika teny afovoan’ny arabe ilay mpitondra moto taorian’ny fifandonana. Naratra mafy ity farany ka voatery nentin’ireo nanatri-maso teny anivon’ny hopitaly. Tsy tana anefa ny ain’io mpitondra moto io rehefa tonga teny amin’ny toeram-pitsaboana. Tetsy ankilany, nifampitadiavan’ny fianakavian’ilay niharam-boina ilay fiara nandona. Tsy hita popoka io fiara io, araka ny loharanom-baovao voaray omaly hariva. Samy nandeha mafy ilay kodiaran-droa sy ilay fiara talohan’io loza io. Marihina, niseholany ny lozam-pifamoivoizana nahafatesan’olona tato anatin’ny herinandro. Vao ny talata lasa teo, olona iray namoy ny ainy teny amin’ny lalan’ny Tsarasaotra rehefa nitaingina moto. Nidona tamin’ny sarety nitatitra rano ny kodiaran-droa nentiny tamin’io fotoana io.
Tsiferana R.
French