«Hanaparitaka haingana ny masomboly vary safiotra ny Vondrona STOI(1), any Menabe sy Sava hitsinjovana ny ho avy. Tsy hiankin-doha loatra isika amin’ny vokatra avy any Inde, Chine, na Pakistan, noho ny ady any Ukraine sy fiovaovan’ny toetr’andro”, hoy Rtoa Razanamahefa Tahina, mpiandraikitra ny serasera ao amin’ny STOI.
Mampanahy ny tsy fahampiana amin’ny famatsiana sakafo ankehitriny. Koa miara-miasa ny STOI (sady mpamboly lavanila) amin’ny minisiteran’ny Fambolena sy fiompiana hanaparitaka ny vary safiotra. Tsy mionona fotsiny amin’ny fanafarana masomboly fa efa mamokatra masomboly ihany koa, izay iaraha-miasa amin’ny fanjakana tompon’ireo CMS(2) marobe. 50 000 t masomboly ny tanjona tamin’ny 2022
iny, ary vary fotsy safiotra 600 000 t isan-taona. Andrana no atao any amin’ny faritra Menabe sy Sava.
Ny olana anefa atahorana tsy hahatrarana izay tanjona izay ny tsy fanjarian’ny tanimbary noho ny tsy fahampian-drano. Mbola eo koa ny velaran-tany mila fanadihadiana lalina ny hahafahany mamokatra, ahazoana 6 na 7t isaky ny ha. Mitaky asa maro izany rehetra izany avy
amin’ny fanjakana. Midika fa tsy ny masomboly ihany akory no ahazoana vokatra maro sy tsara.
Ndrina
STOI (1) : Société Trading de l’Océan Indien
CMS(2) : Centre multiplicateur de semences.
French