Loza mitatao ho an’ny teny malagasy. Noho ny «fandrosoana», tsy mahay manonona teny malagasy intsony ny Malagasy. Tratran’io ihany koa ny mpihira, indrindra fa ny tanora. Ny «-ntso», ohatra, lasa «-njo». Ny fomba fametrahana ny tsindrim-peo, tsy manaraka intsony ny lamina voajanaharin’ny teny malagasy fa tefitefena sy hamboamboarina mba hampiavaka ilay hira sy ny mpihira azy. Nanjary sarotra ny mamantatra ilay tononkira.
Simbain’ny hira ny teny malagasy. Tranga atahorana, satria, noho ny teknolojia, miparitaka ao anatin’ny fotoana fohy ny hira. Tonga eny amin’ny ankizy sy ny tanora. Any amina sehatra samihafa… Ilay teny malagasy simba noho ny fomba fanonona «diso» no re miverimberina etsy sy eroa. Marihina, anefa, fa anisan’ny mampiavaka ny hira malagasy manerana ny Nosy ilay fananana tononkira mora henoina. Ao anatina feo mazava sy tsotra.
Na ambara ho mahay mihira aza ny Malagasy. Mety hanimba izany ny fanononana ny teny anaty tononkira raha omena vahana ny «fandrosoana» sy ireo fitaovana ampiasaina ao anatiny rehefa mihira.
HaRy Razafindrakoto
French