Rehefa natao ny kajy: tao anatin’ny doka varotra 17, ny 2 tamin’ireo ihany no tamin’ny teny malagasy madiorano. Ny ambiny, amin’ny teny vahiny avokoa. Voakasik’io avokoa na ny doka varotra mandeha amin’ny Radio na Televiziona, na petadrindrina lehibe. Tsy sahaza ny Malagasy angaha ny voalaza ao anatin’ireny doka ireny no teny frantsay no nanaovana azy? Sa ny vahiny mihitsy no kendrena hanjifa ny zava-boalazan’ireny doka ireny? Sa rehefa amin’ny teny vahiny dia mahasarika olona sy tsara? Sa ve, “izay mahay teny vahiny ihany no mety hahatakatra ny vidin’entana na saram-pianarana, sns, eto aminay?”. Ho an’ny orinasa tantanana vahiny aloa, tsy dia atao mahataitra loatra.
Tazano àry ny sekoly, varotra, fitsaboana, fitaovana (finday, akanjo, informatique…)… Ny vahiny tokoa ve no tena mpanjifa azy ireny? Tsia! Ny Malagasy ihany no mbola lohalaharana mampiana-janaka any amin’ireny sekoly anaovana doka varotra mipoapoaka amin’ny teny vahiny ireny.
HaRy Razafindrakoto
French