Nitrangana hain-trano tetsy Antaniavo Antohomadinika, omaly tokony ho tamin’ny 02 ora maraina. May tamin’izany ny garazy trano hazo teo an-toerana. Tra-doza ihany koa ny lehilahy iray mpiambina ny toerana. May teo amin’ny tarehiny izy, saingy mbola afaka niantso vonjy tamin’ireo manodidina. Minitra vitsy taorian’io, vory teo ny mpiara-belona, niray hina namono ny afo mandra-pahatongan’ireo mpamonjy voina. Tao koa ireo nitondra ilay lehilahy vonjimaika teny amin’ny hopitaly. Tonga teny an-toerana ihany koa ny mpamono afo, avotra avokoa ireo fiara roa tao an-toerana na dia efa nisy azon’afo ihany. Minitra vitsy taorian’io, voafehy izany ka tsy niitatra tamin’ny manodidina intsony. Levona tanteraka kosa ny afo taorian’izay. Efa nahazo fitsaboana ary tsy atahorana ny ain’ilay lehilahy mpiambina.
Henintsoa H.
French