Ny sabotsy 18 novambra teo. Tao amin’ny Lycée Rabearivelo etsy Analakely. Nitohy teny amin’ny E.P.P Mahamasina Atsinanana. Nofaranana tamin’ny « Bar à livres », teny Bemasoandro Itaosy. Fihaonan’ny mpianatra tamin’ireo poeta sy mpanoratra manana sanganasa tafiditra ao anaty fandaharam-pianarana. Samy naneho ny heviny ka namaly ny fanontaniana « Mbola ho avotra ve ny literatiora torana ? », izy ireo.
Hobiana : « Fahasambarana anaty ny fanaovana zavakanto fa tsy fitadiavam-bola… Naka volon’ ny vanim-potoana ny zavakanto sasany ka nanjary « zavatra » azo atao ho antom-pivelomana, ankehitriny. Misy lafy ratsiny be izany. Lasa nijotso ny lentam-panabeazana sy ny zavatra takin’ny olona. Betsaka ny mpanoratra natory sy matory. Rehefa tsy avadika ho vola dia tsy hanana ny lanjany. Lasa tsy tafavoaka ny boky. Soso-kevitro, mila manana haitsena. Tia boky ny Malagasy, saingy, boky vazaha satria tsy mahasarika ny endriky ny boky gasy. Lasa isika mpanoratra no manao ny asan’ny hafa. Lasa atao maimaimpoana ilay izy kanefa efa misy fikambanana na ONG any ivelany manakarama ny mpanoratra. Eto amintsika, vitsy ny manao izany. Fironana kokoa amin’ny virtoaly ny ahy fa tsy manakana ny fametrahana ny boky ho lohalaharana izany. Tokony hamorona « plateforme » hizarana vokatra literera.
Marihina fa ity teny Bemasoandro Itaosy ity no manakatona ny « Bar à livres » andiany voalohany.
HaRy Razafindrakoto
French