Maratra ka tsy afaka hanao ny fifaninana amin’ny fiadiana ny ho tompodaka eran-tany atao any Qatar, i Karim Benzema (KB9), mpilalaon’ny Les Bleus-n’i Frantsa. Izy tenany mihintsy no nambara io vaovao io, tao anaty tambanjotra serasera, ny asabotsy lasa teo. Ratra teo anivon’ny feny, nahatonga izao olana izao, rehefa nanao fanazarantena ny ekipa “Les Bleus”. Very lohalaharana indray izany ny frantsay amin’ity fifaninanana maneran-tany, ity. Vaovao anisan’ny niteraka resa–be tany Frantsa satria mpilalao anisan’ny tena mendrika sy kinga amin’ny famonoam-baolina i KB9.
“ Tsy mbola niala an-daharana izany ny tenako tamin’ny fifaninanana. Mila tsinjovina ny ekipa, toy ny fanaoko foana rehefa misy lalao ilaina ny tenako. Noho izany tsy maintsy omeko olon-kafa ny toerako mba hahafahan’ny ekipa, manohy tsara ny fifaninanana. Misaotra ho anareo nandefa hafatra fankaherezana ho ahy. » hoy izy.
Tsiahivina fa mpilalao nandrombaka ny baolina volamena 2022, tamin’ny 18 oktobra lasa teo, i Benzema.
French