Voasambotry ny polisy ny telo lahy mpivarotra rongony eny amin’ny manodidina an’i Talatamaty sy Ambohimangakely, ny zoma 25 novambra teo. Vokatry ny ezaka amin’ny fikarohana ireo mpanaparitaka zava-mahadomelina nataon’ny mpitandro filaminana, sarona tao an-trano fonenany Talatamaty- Faralaza ny roa lahy. Noraisim-potsiny teo am-pivarotana rongony izy roa ireto. Nosavaina, nahitana rongony 14 fonosana niampy 20 g teny amin’izy ireo. Niaiky ireto mpidoroka ireto fa mivarotra ary mivelona amin’izany. Ankoatra io, voasambotra tetsy Antanambao-Ambohimangakely ny lehilahy iray hafa. Nahatrarana rongony 105 fonosana tao aminy. Niakatra fampanoavana omaly ny raharaha ka naiditra am-ponja vonjimaika ireto telo lahy ireto.
Tsiferana R.
French