Natao, omaly tetsy amin’ ny lapan’ny Tanàna Analakely ny fanaovan-tsonia fifanarahana fiaraha-miasa eo amin’ ny kaominina Antananarivo Renivohitra sy ny Fid ary ny “Société de Tri Compactage et Valorisation- STCV”. Anisan’ny orinasa mpanangona sy mpanodina fako. Nambaran’ny solontenan’ny Fid tamin’izany fa anisan’ny ny fandaharan’asa fiahiana ara-tsosialy Mikofo, tanterahan’izy ireo ary arindran’ny ministeran’ny Mponina izao tanterahana izao. “Ahafahana manampy ny fidiram-bola sy manatsara ny fiainan’ny mponina”, hoy izy. Hisitraka izany ireo fianakaviana maherin’ny 1 000 avy eto Antananarivo Renivohitra amin’ny alalan’ity fandaharan’asa ity. Hiantsehatra amin’ny fanodinana sy fanangonana ny ampahan’ny fako izy ireo ary hividy ireo fako voafantina toy ny baoritra, akora plastika, ny vy… Maro ny tombontsoa ho azon’ireto ankohonana ireto. Hahazo karama isam-bolana avy amin’ny tetik’asan’ny Fid izy ireo amin’ny fanangonana sy ny fitsinjarana ny fako. Mbola vidian’ny orinasa SCTV ihany koa ireo fako, voaangon’izy ireo mba ho fidiram-bola fanampiny .
Etsy andaniny, anisany manampy ny CUA ihany koa ity fandaharanasa ity amin’ny fanadiovana ny Tanàna amin’ ny alalan’ny fanangonana sy fanodinana indray ireo fako.
Synèse R.
French