“Tsy maintsy tanterahina ny fampihavanam-pirenena, ka antsoina manokana handray andraikitra amin’izany ireo raiamandreny ara-panahy sy raiamandreny ara-drazana ary indrindra ny mpitantana ny firenena amin’izao fotoana izao.” Io ny anisan’ny fehinkevitry ny fikaonandohan’ny Hetsika iombonana ho amin’ny fanarenana sy fanorenana ifotony an’i Madagasikara (Hiffim), teny Andrefan’ Ambohijanahary, ny herinandro teo, nentin’ny mpitondra teny, Rakotomalala Henri.
Manaraka eo ny fanovana ny lalàmpanorenana hifanaraka amin’ny foto-pisainana malagasy. Ny firosoana amin’ ny Repoblika faha- V ka hanana firenena tan-dalàna amin’ ny alalan’ny fametrahana lalàmpanorenana tsy miangatra, mametraka mazava tsara ny zo sy ny andraikitra ary mahafehy ny fitantanana ny harem-pirenena sy manaja ny fitsinjaram-pahefana.
Hapetraka eo an-tanan’ny rafitra mahaleo tena iray ary manana fahefana feno hamoaka ny voka-pifidianana ofisialy manoloana fitantanana ny fifidianana rehetra eto amin’ ny firenena.
R. Nd.
French