Razana tsy nisy loha intsony no hitan’ny mpandalo iray tao amin’ny fokontany Soanierana, kaominina ambanivohitra Antanambao, distrika Antsirabe II, omaly vao maraina. Sendra nandalo, tsikaritry ny mpandalo iray ny fisian’ny vatana mitsirara tamin’ny tany. Faty efa tsy nisy loha intsony anefa izany. Niantso ireo manodidina avy hatrany ilay nahita ny razana. Tonga nanao fanadihadiana ny tomponandraikitra. Natao ny fitsirihana. Hita tsy lavitra teo ny lohan’io namoy ainy io.
Araka ny fanadihadiana nataon’ny zandary, tsy fantatra mazava ny tena antony nahafaty ity olona ity. Efa potika tanteraka ny tarehiny, tapa-doha. Tsy vitan’izay fa, antsasaky ny karan-dohany sisa no hita. Toa lanin’ny biby ny fahitan’ireo olona nanatri-maso ny razana. Etsy ankilany, tsy afaka miala ny ahiahy fa ho maty vokatry ny vonoan’olona ity raim-pianakaviana ity. Andrasana ny tohin’ny famotorana.
Tsiferana R
French