Avotra soa aman-tsara ilay zaza varira nalaina an-keriny tao Vangaindrano herinandro vitsy lasa izay. Hita afakomaly, tao amin’ny fokontany Andriambe, kaominina Ambatolahy, distrikan’Ihsy izy. Velon’aina ilay zaza raha notrohan’ireo tsy mataho-tody kosa ny ampahan’ny rany. Vokany, olona miisa dimy no voasambotra tamin’ity raharaha ity raha mbola karohina kosa ireo efatra hafa.
Ankizivavikely 12 taona no maty tao anaty lava-biriky tetsy Alasora, ny sabotsy teo. Tra-doza tampoka izy raha nilalao niaraka tamin’ireo namany. Vokany, nikoropaka ny rehetra namonjy azy saingy tsy tana intsony ny ain’ity mpianatry ny CEG eny an-toerana ity. Nalevina omaly ny nofo mangatsiakany.
French