Hotanterahina anio ny fihaonana eo amin’ny Cosfa Analamanga sy ny Tsaramandroso formation FC Boeny. Lalaon’ny andro fahadimin’ ny fifaninanana “Orange Pro League”, ny taona 2023 ho an’ny kaonferansy avaratra. Fifandonana hotanterahina eny amin’ny kianjan’Ambohidratrimo. Anisan’ny lalao heverina fa hiady izy ity, hiezaka ny haka fandresena ho azy ny TFFC, raha toa ka hiezaka ny hitazona ny laharana faharoa ny Cosfa.
Tsy mbola nihaona mihitsy ny roa tonta. Tsiahivina fa resin’ny AS Fanalamanga tamin’ny isa 2 no ho 0 ny TFFC, ny alahady 26 febroary lasa teo. Nandresy ny Fosa Junior Boeny, tamin’ny isa 3 no ho 1 ny Cosfa, ny alahady lasa teo ihany koa. Ny Fosa Junior Boeny no mitarika ao amin’ ity vondrona avaratra ity, manana isa 18. Eo amin’ny laharana faharoa ny Cosfa, manana isa 15. Mitana ny laharana fahenina ny TFFC Boeny, manana isa 4.
Marihina fa efa tafiditra amin’ny andro fahavalo izao ny OPL amin’ny sabotsy ho avy izao, saingy noho ny tsy fahavitan’ireto ekipa roa ireto ny andro fahadiminy, tsy maintsy atao androany.
Fitia (Mpianatra asa)
French