Hotanterahina rahampitso ny lalao ampahavalon-dalana miverina ny fifaninanana Ligue des Champions (LDC) 2023. Hihaona amin’ny Chelsea, klioba anglisy ny Dortmund BVB, klioba Alemà. Lalao hotanterahina ao amin’ny Stamford Bridge. Hanala vela ny Chelsea, resin’ny Dortmund tamin’ ny isa 1 no ho 0 izy ireo ny 15 febroary lasa teo. Lalao notanterahina tany Dortmund. Ho toy ny lalao famaranana ity fihaonana ity, hiezaka ny haka ny tapakila ao amin’ny taniny ny Chelsea ary hiezaka hitazona ny fandreseny nandritra ny lalao mandroso ny Dortmund.
Tsiahivina fa nandany vola maherin’ny 200 tapitrisa euros ny lehiben’ny Chelsea, tamin’ny fotoanan’ny “mercato”, ny volana janoary lasa teo.
Fitia (Mpianatra asa)
French