Niampy telo ny isan’ny Elgeco Plus, ao amin’ny kaonferansy atsimo. Resin’ ny Elgeco tamin’ny isa 1 no ho 0 ny Disciples FC. Lalao teo amin’ny andro fahavalon’ny fifaninanana Orange pro league. Fihaonana natao teny amin’ny kianjan’ny Elgeco plus, By – pass, ny sabotsy 4 marsa lasa teo. Niady tanteraka ny lalao. Nifandanja tsara ny fihaonan’ny roa tonta. Nifanesy ny baolina saika tafiditra, teo amin’ ny fizaram-potoana voalohany, saingy samy tsy nahita vokatra izy ireo. Teo amin’ ny fizaram-potoana faharoa, nahatafiditra baolina i Tiavina, teo amin’ny minitra faha-76. Baolina tokana nitondra fandresena ho an’ ny Elgeco plus.
Fitia (Mpianatra asa)
Voka-dalao ny andro fahavalon’ny OPL
Kaonferansy avaratra :
TFFC (0) vs (1) Tia Kitra
As Fanalamanga (0) vs (1) Fosa Junior
Asa Diana vs Uscafoot (Haverina)
Ajesaia (0) vs (0) Cosfa
Kaonferansy atsimo :
Disciples FC (0) vs (1) Elgeco Plus
Dato FC (1) vs (2) Jet Kintana FC
3FB Toliara vs Zanakala FC (Haverina ny lalao)
Mama Fc (0) vs (0) CFFA
French