Hotanterahina anio sy rahampitso ary rahafakampitso, ny fifaninanam-pirenena «Playoff Orange Pro League (OPL) 2023». Araka izany, hihaona amin’ity lalao ampahefa-dalan’ny OPL ity, ny Ajesaia Bongolava sy ny CFFA Andoharanofotsy. Fifanandrinana mandroso atao anio, eny Ambohidratrimo. Ho toy ny lalao famaranana izy ity, manana mpilalao kalaza sy matihanina ny roa tonta, anisan’izany ry Carlos, Lalaina ary Dadafara ho an’ny ekipan’Andoharanofotsy raha toa ka ry Feno sy Miora ny an’ny mpilalaon’ Antaninkatsaka.
Tsiahivina fa, ny ekipan’i Bongolava no nahazo ny tapakila farany tao amin’ny kaonferansy avaratra, raha toa ka ny mpilalaon’Andoharanofotsy no nahazo izany voalohany ho an’ny atsimo. Marihina, hisy ny fanatsarana ny fifanintsanana OPL, noho ny fitarainana voarain’ny CFEM, tarihin-dRakotoarimanana Henintsoa. Efa mitsangana ny kaomisiona mikarakara izany.
Araka ny fanazavan’ny mpikarakara ny «Playoff», ny 27-28 mey ny lalao miverina. Hotanterahina ny 10-11 jona ny dingana voalohany ho an’ny manasa-dalana. Ny 24 jona ny dingana faharoa. Hotontosaina ny alahady 2 jolay, eny amin’ny kianja Barea, ny famaranana.
Fitia (Mpianatra asa)
Fandaharan-dalao :
Sabotsy 13 mey 2023
Kianja Toamasina
2 ora 30 : AS Fanalamanga vs Football Elgeco Plus
Kianja Ambohidratrimo
2 ora 30 : Ajesaia vs CFFA Andoharanofotsy
Alahady 14 mey 2023
Kianja Mahitsy
2 ora 30 : Disciples FC vs Fosa Juniors FC
Alatsinainy 15 mey 2023
Kianja Elgeco Plus By pass :
2 ora 30 : Mama FC vs Cosfa Football
French