Hanomboka rahampitso alakamisy ao Harare, renivohitr’i Zimbabwe ny fiadiana ny ho tompondakan’i Afrika, taranja baolina kitra, ho an’ny ankizy mpianatra «Cosafa U15», lahy sy vavy. Fifaninanana ho an’ireo firenena aty amin’ny tapany atsimon’i Afrika. Ao amin’ny vondrona «B» i Madagasikara miaraka amin’i Afrika Atsimo, Zambie, Angola ary i Namibie. Azo lazaina fa maozatra ity sokajy misy an’i Madagasikara ity.
Nanainga ny alatsinainy lasa teo ny delegasiona malagasy ary efa any an-toerana amin’izao fotoana izao. Vonona tanteraka ireo Malagasy mpilalao, na sambany vao handray anjara amin’izany aza. Madagasikara rahateo no hany firenena vaovao mifaninana amin’ity “Cosafa ho an’ny mpianatra” ity. Raha ny fandaharan-dalao, hidona voalohany amin’ny Malagasy i Namibie, eo amin’ny andro voalohany, ny alakamisy izao. Hiatrika lalao telo be izao ny Malagasy ny zoma 15 desambra. Hifanandrina amin’i Angola, avy eo hidona amin’i Afrika Atsimo, ary lalao farany amin’ny fifanintsanana isam-bondrona ny fihaonana amin’i Zambie. Miatrika ny manasa-dalana ireo ekipa 2 voalohany.
Tsiahivina fa hisolontena ny faritra atsimon’i Afrika, amin’ny fiadiana ny ho tompondakan’i Afrika, hatao ny volana avrily 2024 izay ho tompondaka amin’ity.
Tompondaka
French