Nanao hetsika lehibe manerana ny tanàn-dehibe eto amintsika ny orinasa Telma, ny 5 janoary teo. Nomena ny lohahevitra hoe «Mizara hafaliana», nisantarana ny taona vaovao 2024. Anisan’ny nanaovana izany ny tany Antsiranana, Nosy Be, Toamasina, Mahajanga, Toliara, Fianarantsoa, Morondava, Antsirabe, Taolagnaro ary Antananarivo. Nizarana fanomezana «goodies», nanehoana ny firaisam-po niaraka tamin’ny fampisehoana «hira gasy sy vako-drazana», raha ny teny amin’ny Telma Shop 67ha. Hitohy ny 12 janoary ny hetsika, hitsidihina ny foiben’ny fikambanana «Orchidée blanche» eny Androhibe, hizarana «goodies» ho an’ny ankizy beazina eny an-toerana. Endriky ny fifandraisana mivantana amin’ny mpanjifa ny «Mizara hafaliana», ankoatra ny fifandraisan-davitra ara-teknolojia.
Manampy izany, mitohy hatramin’ny faran’ny volana janoary 2024 ny hetsika «Zara kadoa» ataon’ny Telma. Fihenam-bidy amin’ireo finday sy fitaovam-pifandraisana, toy ny I-feel, ny fanampiana tolotra «bonus data Telma Net One Week 1Go». Eo koa, ny S-prime nampidinina ny sarany, miampy bonus data One week 2 Go. Misy koa ny finday Samsung AO4E, azo aloa tsikelikely mandritra ny 12 volana. Hita any amin’ny masoivohon’ny Telma manerana ny Nosy avokoa ireo tolotra manokana ireo.
Njaka A.
French