Filana andavanandro: niakatra ny vidin’ny entona fandrehitra

Nahitam-piakarana efa he­rinandro vitsy izay ny vidin’ny entona fandrehitra eto Anta­nanarivo sy ny manodidina. Ho an’ny marika Vitogaz, niakatra ho 27 400Ar ny tavoahangy 4 kilao, raha toa ka
26 900Ar izany teo aloha. Lasa 62 800Ar kosa ny tavoahangy milanja 9 kilao, raha toa ka 61 800Ar izany teo aloha. Ankehitriny, niakatra 86 600Ar ny tavoahangina 12 kilao, raha 85 200 Ar izany. Raha ny fampitahana, manodidina ny 500 Ar ka hatramin’ny 1 400Ar isaky ny tavoahangy ny ta­ham-piakarana. Antony manazava izany ny fiakaran’ny vi­din’ny solika eo amin’ny tsena iraisam-pirenena. Ny volana desambra teo, manodidina ny 80 dolara ny barila amin’ny Petrole Brent, raha toa ka 77 dolara izany ny volana no­vambra teo. Tafiditra ao anatin’izany ny lalànan’ny tolotra sy ny tinady izay miantraika betsaka eo amin’ny sehatra iraisam-pirenena. Marihina fa telo volana rahateo vao mihatra eny an-tsena, eto an-toerana, ny vidin’ny solika eo amin’ ny tsena iraisam-pirenena. Manampy izany ny fitotongan’ny sandan’ny vola ma­lagasy.

Henintsoa H.