Naratra mafy teo amin’ny faritra ambany heliny havanana ny raim-pianakaviana iray lasibatry ny fanendahana tao Ankadikely Ilafy, ny alatsinainy 25 marsa teo. Hamonjy fodiana hihazo ny vady aman-janany io lehilahy io no nifanehatra tampoka tamin’ny mpanendaka. Nitondra antsy maranitra ny mpandroba. Niezaka niala ireo olon-dratsy io raim-pianakaviana io saingy notrobaran’ireo tsy mataho-tody tamin’ny zava-maranitra teny aminy.
Mpianatra ho zandary iray avy amin’ny andiany faha-78 namoy ny ainy tao amin’ny EGNA Ambositra, afakomaly. Nitaraina ho sepotra io lehilahy io ka nanaraka
fitsaboana tao amin’ny Infimerie ao an-toerana. Nalefa notiliana tao amin’ny CHRR Ambositra izy. Nisy fahavoazany tao amin’ny ilan’ny avokavony. Nitarika ny fahafatesany anefa izany.
Lehilahy iray mpitatitra entana namoy ny ainy tao ampitan’ny Lapan’ny tanàna tao Fianarantsoa, afakomaly alina. Mpitatitra entana ao amin’ny tsenan’Anjoma izy. Mpandalo maraina no nahatsikaritra ny tenany efa tsy nisy aina intsony.
Dahalo mpanao asa ratsy lavon’ny balan’ny
mpitandro filaminana nanao fisafoana tao Andolofotsy, Analavory, afakomaly. Naharay loharanom-baovao momba ny fisian’ireo dahalo ireo ny zandary. Nandositra avy hatrany anefa ireo olon-dratsy rehefa nahatazana azy ireo ka raikitra ny fifampitifirana.
French