Hiatrika ny dingana famaranana amin’ilay fifaninanana « Prix Orange du livre en Afrique 2024 » izy. Ilay boky #Zakoa, navoakan’ny Editions Dodo vole, no hoentin’i Hary Rabary mandresy lahatra ny mpitsara mandritra izany. Mialoha izay anefa, tazana tao amin’ny tranohevan’ny Orange Solidarité Madagascar, mandritra ilay hetsika “Tokotany be”, etsy amin’ny Lapan’ ny fanatanjahantena sy ny kolontsaina Mahamasina ity mpanoratra ity.
Nasain’ny Orange Madagascar manokana, mba hitafa sy hisera amin’ireo izay liana amin’ity boky navoakany ity ny mpanoratra.
Efa mpandray anjara amin’ny hetsika fampiroboroboana ny vaky boky sy ny rohim-boky ny Orange Madagascar. Anisan’ireny ny tetikasa “Ndao hamaky boky”, izay novolavolain’ny Tranombokim-pirenena. Azo tsapain-tanana ny vokatra amin’ity tetikasa ity, noho izy mikendry ny eny ifotony. Tanàna saro-dalana maro no efa nisitraka izany, nahazon’ireo mpianatra ambaratonga voalohany tombontsoa amin’ny famakiam-boky. Mbola misy roa andro ny ahafahana mitsidika ny tranohevan’ny Orange.
Zo ny Aina