Voasambotry ny zandary miasa ao amin’ny tobim-paritra Talata Volonondry, ny sabotsy teo, ny jiolahy iray tompon’antoka amin’ny fangalarana vy fanao hidin-drano eny amin’ny tohodrano. Tao Sahanandriana no nahatrarana azy. Tratra teny aminy ny tsatoby lava roa famoahana sy fanidiana rano amina tohodrano manondraka ny saha eny Ambohitrangano. Vesatra hanenjehana azy ny fanimbana, fangalarana fananana iombonana. Tazonina anaovana famotorana ao amin’ny zandary izy mialoha ny hanolorana azy eny anivon’ny fampanoavana. Tao anatin’ny famotorana no nahafantarana fa efa fanaony ny mangalatra ireny vy eny amin’ny fananana iombonana ireny.
J.C
French