Nentina notsaboina eny anivon’ny hopitaly ny zazavavy iray 12 taona voakasiky ny afo nandritra ny haintrano tao Andavamamba, omaly. Niredareda ny afo, omaly maraina tamin’ny 3 ora. Mpivarotra kodiarana, mpivarotra hazo ary mpivarotra menaka no tena lasibatry ny afo. Nihitatra io firehetana io ka trano toeram-pivarotana miisa 6 may ary trano fonenana mitotaly 11 lasibatra. Tsy fantatra ny fototry ny firehetana hatreto. Voakasiky ny afo tamin’io fotoana io ny zazavavy iray 12 taona. May ny faritry ny tanany sy ny tongony.Tsy ahina ny ainy ary efa nentina namonjy toeram-pitsaboana izy. Nifehy ny firehetana ny mpamonjy voina ka nilamina ny fandriampahelamana teny an-toerana. Maty tanteraka ny afo manodidina ny tamin’ny 5 ora maraina. Marihina fa trano hazo avokoa ireo hotohoton’ny afo ireo.
Tsiferana R .
French