Saron’ny polisy ireo telo mianadahy tompon’antoka tamin’ny famakian-trano tao Fianarantsoa Renivohitra, afakomaly. Naharay fitarainana ny polisim-pirenena ao amin’ny DRSP Haute Matsiatra fa niharan’ny vaky trano ny tokantrano iray anatin’io kaominina io. Naharay loharanom-baovao momba ireo nahavanon-doza izy ireo, taorian’io ka nidina ifotony. Olona telo nahatrarana entana halatra. Vehivavy ny iray izay mpivarotra ireo entana avy nangalarina. Roa lahy namany kosa manao ny asa ratsy. Nogiazana avokoa ireo entana halatra rehetra. Fahitalavitra sy entana ampiasana andavanandro ireo tratra ireo. Nentina natao famotorana, niaiky heloka ka atolotra ny fampanoavana avokoa ary tazomina vonjimaika ao am-ponja ireo voasaringotra.
Tsiferana R.
French