Hanomboka, anio, any Toliara, ny fifaninanana “Tournoi de Capricorne”, taranja Judo. Anisan’ny klioba mandray anjara, ny COSTM izay klioba matanjaka any Toliara. Vonona tsara ary efa ela nanomanana ireo mpikatroka eo anivon’ny ity klioba ity, araka ny nambaran’ny filohany. Mpikatroka manomboka amin’ny sokajy Poussins hatramin’ny Seniors, 31 mianadahy no misolo tena ny ekipa. Mpanazatra 5 no manaraka akaiky azy ireo ary manana mpitsara iray mandray anjara amin’ity fifaninanana ity ihany koa izy ireo, izay tsy iza fa Rabe-Aritinina Fanjatiana Andréah. Tsiahivina fa tsara toerana hatrany ity ekipa matanjaka avy ao an-toerana ity ary vonona ny hitazona fanitelony ny amboara ho an’ny sokajy “enfant”, rehefa nandrombaka izany in-droa nisesy. Raha ny fandaharam-potoana, efa nisy ny diabe nanombohana ny fifaninanana, omaly, ary hiditra amin’ny fifanintsanana, anio.
Mi.Raz
French