Nanolotra fitaovana ho an’ny sampandraharaha miady amin’ny heloka ana habaka ny masoivoho amerikanina, ny alakamisy teo. Entina hanamafisana ny ezaka hiadiana amin’ny fanararaotana mamoafady atao amin’ny ankizy amin’ny internet ny fitaovana. Miendrika famarinan’olona izany ary heloka ana habaka izay miha mivoatra hatrany.
“Amin’izao vanim-potoana niomerika izao, tsy eo amin’ny fiarahamonina misy antsika ihany no itrangan’ny heloka bevava, fa any amin’ny internet ihany koa. Noho izany, tsy maintsy manana fahaiza-manao sy ny fitaovana ilaina amin’izany sehatra izany ihany koa isika”, hoy ny masoivoho amerikanina, Claire Pierangelo.
Ireo solosaina sy fitaovana fanaraha-maso ary fitaovana fitsirihana manokana natolotra dia entina hanampiana ireo Malagasy mpanao famotorana hanao fanadihadiana lalina momba ny trangana famarinan’olona, indrindra fa ireo fanararaotana ara-nofo atao amin’ny ankizy amin’ny internet.
Tafiditra ao anatin’ny tetikasa maharitra roa taona, izay mitentina 2 tapitrisa dolara, ary vatsian’ny Departemantam-panjakana amerikana vola ny fitaovana natolotra. Ny UNODC no manatanteraka ny tetikasa, miaraka amin’ny mpitandro filaminana malagasy.
Tatiana A
French