Vita tanteraka omaly ny dian’ilay iraka manokan’ny Caf, izay tonga teto an-tanindrazana nijery sy nitily ny Kianja Barea Mahamasina. Ny volana mey ho avy io moa, hiverina eto Madagasikara indray ity teknisianina momba ny bozaka ity, ary aorian’izay, hofantatra raha afaka mandray lalao iraisam-pirenena ny Barea ny volana septambra ho avy io na tsia.
Hitohy anio sy rahampitso ny andro fahasivin’ny fiadiana ny ho tompondakan’i Madagasikara, taranja baolina kitra « World Cola Pureplay Football League (PFL) ». Anisan’ny fifanandrinana andrasan’ny maro amin’izany ny fihaonan’ny CFFA Andoharanofotsy sy ny Fosa Juniors Boeny, izay hatao eny Iavoloha, ny alahady ho avy izao.
Nivoaka ny 2 avrily lasa teo, ny filaharan’ireo firenena amin’ny Basikety 3×3, mbola manjaka amin’ny sokajy lehilahy i Serbie, raha mitarika voalohany kosa i Chine. Ho an’ireo ekipa nasionaly malagasy indray, mipetraka eo amin’ny laharana faha-47 ny Ankoay, lehilahy raha toa ka faha-45 ny ekipam-pirenena vehivavy.
Hotontosaina anio ny andro faha-30 ny fiadiana ny ho tompondakan’i Espagne, « la Liga ». Araka ny fikarohana natao, hampiantrano ny ekipan’ny Valence, ao Santiago Bernabeu, ny Real Madrid, tompondaka farany, raha toa ka hifampitana amin’ny ekipan’ny Betis, ao Stade Olympique, ny Companys.
French