Antenimierandoholona Anosy. Niresaka ny fitovian’ny fampianarana ambony sy ny fikarohana siantifika tamin’ny minisitra ny profesora Chaminah Loulla. Nidera sy nankahery ny minisitra ny filohan’ity Andrimpanjakana ity sy ireo mpikambana ambony tamin’ny fahasahiana niatrika ny adidiny, indrindra ny fitokonan’ny mpianatra teny Vontovorona.
Mitohy ny fiaraha-miasa ara-pitsaboana amin’ ny Chine. Naneho fisaorana feno ho an’ny fanjakana sinoa ny minisitry ny Raharaham-bahiny, Rafaravavitafika Rasata, noho ny fahatongavan’ny iraka ara-pitsaboana faha-24 farany teo. Vonona hatrany ny fitondram-panjakana malagasy hanohy izany fiaraha-miasa ara-pahasalamana sy maha olona izany.
Poizina ara-tsakafo. Nanome toromarika avy hatrany amin’ny fandraisana an-tanana sy fitsaboana maimaimpoana ireo marary ny minisitry ny Fahasalamam-bahoaka, Pr Zely Arivelo. Nanatanteraka ny “Check Humanity” sy ny ezaka rehetra natao hamonjena ny ain’ireo mbola manaraka fitsaboana ny tomponandraiki-panjakana.
Fijerena ny fahasalaman’ireo zokiolona. Manokatra varavarana sy manolotra fitsaboana mendrika, maimaimpoana sy tsara kalitao, ho an’ireo zokiolona mihoatra ny 65 taona ny hopitalim-panjakana rehetra eto Madagasikara. Velom-pisaorana ireo mpisitraka satria mahatsiaro fa tsy hadino sanatria na atao ankilabao.
French