Natomboka tao amin’ny kaominina Marofarihy, distrika Manakara, faritra Fitovinany, ny 24 septambra teo, ny fampiofanana ny tantsaha. Voakasik’izany ny fampiofanana ny teknika Papriz, ny Pfumvidza. Eo koa ny fiompiana ny akoholahy (cocquelet), ny akohogasy nohatsaraina. Nanao ny fampiofanana ny minisiteran’ny Fambolena sy ny fiompiana (Minae).
Tonga tany an-toerana ny minisitra Minae, Hajarison François Sergio, sy ny mpiara-miasa aminy. Nentaniny hatrany ny hampiharan’ny tantsaha mpamokatra ny teknikam-pamokarana, hanatsarana ny fidiram-bolan’izy ireo.
Navitrika ny tantsaha mpamokatra ary hita fa mazoto tokoa. Nambara fa vonona avy hatrany izy ireo hampihatra ny fiofanana noraisin’izy ireo. Tanjona ny hampitomboana ny fidiram-bolan’ny tantsaha sy hanatsarana ny fiainan’ny mponina, entina hanatrarana ny fahavitan-tena ara-tsakafo napetraky ny fanjakana, izay fanamby lehibe hampivoarana ny famokarana eto Madagasikara.
Njaka A.
French